斧戰士簡易攻略 By 小猛斧   （香港醜小鴨ser）

大家好, 我是鴨ser的小小狂戰小猛斧 *V* 現在童話跟以往大都不一樣了,新手要在這個時代的童話立足不是一件容易的事, 
我將從如何練好一隻斧戰到狂戰的要素跟大家分享（包括：如何賺錢, 用甚麼寵, 怎麼配點, 如何提高傷害力）

【入正題了, 希望大家能從這篇文章得益吧！】

進入童話世界前..
．職業特色
大家都知道, 以往的斧戰是很難升的, 不過練得有其法, 我也倒不覺得斧戰難升。在以前的童話, 
斧戰在三個戰士中二轉前是最廢的, 可是二轉後是最強的, 比大劍強上千萬倍, 但現在大劍實實在在超越了狂戰士, 
狂戰的獸王沒龍翔的傷害及範圍, 但是有急電斧（不論有無miss, 都能定人）的優勢。斧戰的職業技能, 容我在後深入討論

進入童話世界的第一步
．建議種族及配點
首先我廢除人類的選擇, 人類的隨機配點太不穩定, 不建議選擇
接下來只剩下2種選擇：

1.	精靈 ----- 精靈好在多敏配, 而且二轉造型好令仔 *O*”V , 可是, 生命點數配得很少.. 很容易貧血, 
	不過如果你是有錢一族（會轉生及買精體裝）我建議你選擇精靈 
【無錢+法配點】：如果無錢既, 就加體一直加到4x – 50啦，然後就爆全敏, 千其唔好加力！
		 敏先係王道 .3.”V 換一把斧, 高1傷既斧都好過加幾力多多聲 \口/
【有錢+法配點】：收番套精體裝, 1lv開始爆敏

2.	矮人 ----- 矮人好在多幸力體, 而且生命+好多下@@V, 血多肉厚, 有小小力可以加負重, 
	掛技（千萬唔好話加力好在多傷害, 前期係咁講, 後期你知死-v-）
【配點】：如果無錢既, 就加體一直加到3x – 4x就夠.. 矮人加好多血, 之後爆敏
【有錢+法配點】：收番套精體裝, 1lv開始爆敏

進入了童話世界的第二步
賺錢的方法
好了, 開了個人, 應該做咩好呢？@@ 唔好心急, 首先你睇下你隻人頭果10lv升得好唔好（生命 , 隨機配點） 
唔好就再開過, 好喇, 跟住你要面對既問題就係好多玩家都面對緊既問題. 就係錢錢錢錢錢！！ 
斧戰士唔似修士咁, 可以祈禱黎+mp , 所以升lv實要mp藥, 而且斧戰至少要隻武化寵, 同埋勁斧, 
先凸出到戰士既威力。

我而家就分享一下我既賺錢方法（個人建議, 不喜自行另尋方案）：
我去官網開幾個新ac, 然後每一個ac開一隻人, 分別學習工作技能：（挖礦,冶煉,伐木, 做斧技能）, 
最好可以同時4開掛技。咁樣做有好多好處，一來：可以為自己做斧
（自己做既斧好好好高傷, npc果d又廢又貴, 到後期你一定要自己做把令斧, npc靠唔住），
二來可以去賣, 斧頭在市場係好有價值的！如果你拎幾個星期掛技, 一定可以穩到好多錢。
而且有機會出謎斧, 可以自己拎去精黎用。

練功過程
1 – 10lv  解多d任務, 因為傳送唔駛錢, 有耐性既話升下衝擊（免mp水錢）
11lv – 15lv 轉左職, 先去地下室練好15斧技同15連擊 然後去升屎洞b1木偶區
16lv – 20lv 繼續係木偶區, 不斷出2連斬黎升斧技+連擊, 20lv左右你會有4連斬+30lv斧技驚雷斧
21lv – 25lv 如果你有4連斬 + 驚雷斧, 你可以單升水晶山, 或姐組升月光村, 
　　　　　　無既話去神燈沙漠升或姐組隊升金銀城地下王城b1
26lv – 30lv 有4連+驚雷去組升月光, 無既話可以升地下王城b2
31lv – 35lv 係月光升, 自己一個可以打寶石獸區（秒暗先）, 有人組可以打雪怪區
36lv – 40lv 打雪怪區, 有組升可以跳級打椰子島（升好聲望先去,,唔係好既話好貴）
41lv – 45lv 組升椰子島, 或姐彩花村
46lv – 50lv 組升哈秋島, 或姐彩色田
51lv開始難行的路, 升等都要去戰士公會升, 所以先升好聲望, 然後再去升等吧（慳好多錢） 
我建議51lv是組升的, 去咕嚕島吧, 怪血不算多, 打人也不痛@@V  所以, 打咕嚕島基本上可以升到60lv的, 
如果升得太辛苦, 找族人/其他人帶升吧, 一般1個鐘可以升到60lv

二轉了！！
二轉後的改變呢, 就要看你個人了, 60lv有了雨斧, 如果你有了一把相當不俗的斧, 那麼雨斧打出來的數字是相當好看, 
足夠你自己爬lv的了~ 雨斧是狂戰唯一的範圍技, 打T字型的, 用來升lv很不錯. 
不過如果你懶不自己做斧又不去收斧,那麼你的雨斧打出的數字會笑死人 -3-
如果你是有恆心的人, 我給你一個練功過程：
61lv – 65lv 如果組升的話 可以打聽說島, 足夠應付了, 可以轉巨岩打
66lv – 70lv 多組升巨岩吧
71lv以後 如果你自己升會蝕了藥錢, 都是找人帶吧, 如果真係想自己升, 去威奇吧

65lv有了急電斧, 打王很好用, 如果夠敏pk是屈機的, 但係急電-100敏, 都好難定人, 除非你轉左生吧
70lv有獸王,（要解任）, 呢個時候可以升下斧技的了, 獸王攻擊力是相當驚人, 僅次於龍翔閃之下

補充時項（強烈建議參看）
【用寵方面：】
武化：斧戰用寵, 沒錢的收個火劍啦~ 火劍勁過火c（實驗証明, 火劍+多d力）, 有錢既買個暗力寵
凱化：建議土姑, 有體又可以加防, 有幸又可以+閃避, 又可以推車, 很萬能的說, 木波都可以的
獸化：戰士不需要暴力寵, 收隻肉盾啦~ 無錢買隻木波, 有錢買隻土姑, 因為有推車

【如何提升傷害力？】
先參考一下傷害力的計算公式：【武化後的傷害力計算公式】

(武器本身傷害 + ((武器本身傷害x斧技) / 50) + 力量x2 ) x (武化寵物力量/ 200) +
 (武器本身傷害 + ((武器本身傷害x斧技) / 50) + 力量x2 ) +幻化傷害+斧類武器傷害

總括來說, 要提升傷害, 就只有三大來源：斧勁、技高、寵勁
我就先說明這條公式的奧秘, 大家可能覺得, 點解低lv既時候, 升1lv斧技加得1-2個傷害？
e+解答你 -_-（真廢話多xd）高lv既時候, 用既斧正常係越高傷, 睇番條公式, 
斧技果一忽：((武器本身傷害x斧技) / 50) 武器傷害x斧技, 即係話, 如果你武器越高傷, 
同斧技既積乘加乘既幅度會大大提高。而且, 點解我話唔好加力？因為力量無任何變數同佢有乘積既加幅, 
力量x2 = 直接加去傷害。咁大家e+應該知道, 點解寵力量咁重要, 

因為睇番條果個公式：
(武器本身傷害 + ((武器本身傷害x斧技) / 50) + 力量x2 ) x (武化寵物力量/ 200) 原來係乘番埋個武化寵物力量, 
所以武寵力量同埋傷害有個比例。

總結：首先要有勁斧！有勁斧既話，升斧技同埋升寵得出黎既效果越好。
我e+用緊一把斧真斧 812傷, 每升1lv斧技大約up到50傷左右..
斧係一門學問, 而家就去探討：

【斧類武器加工】
大家e+應該明白點解我一開始會叫大家做斧, 不過自己做完出黎既斧只可以係50lv前見效, 
50lv打後就覺得唔夠。咁我教大家點樣做出勁斧。首先, 如果你做斧未夠9xlv, 
希望大家每日都行金商, 留意1 d 9xlv既斧, 係鴨ser , e+ 1把大約5k 左右, 都好平, 
然後買左佢放係銀行草住佢, 然後你開始生產大量你需要既斧頭, 撰選好既斧頭然後向巴格達城出發, 
去左上既冶煉房穩人加工（詳細請看官網說明）, 利用9xlv做原料, 不過可能會失敗的唷. 
最好 50lv有200傷上, 55lv有250傷上 , 60lv有300傷上, 用唔晒既斧放出去 有好多$$穩

做完斧後, 應該升下技了

【升斧技呀 ><】
其實打出來的數字越高, 斧技升exp越多. 所以做完斧後, 升完寵後, 該去升斧技咖啦 *V* 有火武化既就去飛魚角, 
開戰娃, 買隻平平地既消溶寵啦（唔一定全智）, 1個鐘 4xlv計, 當你用把300傷斧都up到3,4lv（無暗2）, 
up多d高傷d, 加油！如果有暗/光力既話去空中宮殿b2升, 因為多光/暗, 打出來的數字勁d, 升得自然快d~

希望大家看完我呢篇文章有得益吧！大家有咩問題可以穩我的【香港鴨ser】小猛斧  @@”V 另外幫人做高傷斧, 
鴿我吧~~ 做個fd亦可加我好友喔,, 另外帶下升威1/2, 收幾k（藥錢）就ok了~~~ 祝大家有一個成功的狂戰 ^_^”V